"Бавария" ҳужумчиси Харри Кейн Чемпионлар Лигаси мусобақасининг сўнгги туридан ўрин олган ПСВга (2:1) қарши ўйиндан сўнг интервью берди.
Мюнхенликларга навбатдаги 3 очкони 84-дақиқада Кейн томонидан киритилган гол келтирди. Венсан Компани жамоаси 21 очко билан жадвалда иккинчи ўринни эгаллади.
"8та ўйиндаги 7та ғалаба жамоамиз нималарга қодирлигини кўрсатади. Менимча, бизда энг қийин тақвим бўлган. Ҳақиқий мураккаб ўйинлар кўп: "ПСЖ" билан сафар, "Арсенал" билан сафар, "Челси" билан уй учрашуви. Биз бу қийинчиликларнинг барчасидан ўтдик. Бунга алоқадор бўлган ҳар бир кишини мақташ керак," - дея Кейннинг сўзларини келтиради UEFA.













