"Реал" яримҳимоячиси Жуд Беллингем фаолиятини Англияда давом эттириши мумкин.
El Nacional хабарига кўра, сўнгги бир неча ҳафта ичида Англия премьер-лигасининг бир нечта номи ошкор этилмаган жамоалари хавбек трансфери бўйича 100 миллион евродан ортиқ таклиф билан чиққан. Мадрид клуби Беллингемнинг ўйини яхшиланмаса, шундай таклифлардан бирини қабул қилиш имкониятини кўриб чиқиши мумкин.
Жуд Беллингем 2023 йилда "Боруссия" Дортмунддан 127 миллион евро эвазига "Реал"га ўтганди. Унинг "қаймоқранглилар" билан шартномаси 2029 йилнинг 30 июнига қадар имзоланган.
Жорий мавсумда ярим ҳимоячи Мадрид клуби сафида барча мусобақаларда 27 та ўйинда майдонга тушиб, 6 та гол урди ва 4 та голли узатмани амалга оширди.
