"Реал"нинг собиқ дарвозабони Сантьяго Канисарес жорий мавсумда мадридликларни танқид қилгани ҳақида гапирди.
Кеча ЕЧЛнинг сўнгги турида "Реал" сафарда "Бенфика"га 2:4 ҳисобида имкониятни бой берди. Жамоа умумий босқич турнир жадвалида 9-ўринни эгаллади ва 1/8 финалга чиқиш учун плей-офф ўйинларида иштирок этади.
"Энг ёқимсиз томони шундаки, танқидлар кўп, ечимлар эса жуда кам. Кўриниб турибдики, жамоа таркибида маълум бир номутаносиблик бор, баъзи ўйинчилар яхши формада эмаслиги ва уни тўплайдиганга ўхшамаётгани, жамоанинг савияси тушиб кетгани ва фақат икки ўйинчи Европанинг рамзий терма жамоасига киргани тушунарли...
Аммо ечимлар қани? Чунки йил бўйи танқидларни эшитамиз... Ечим қаерда?", - деди Канисарес.
