"Марсель" Роберто Де Дзербини истеъфога чиқариши мумкин.
Чоршанба куни Франция клуби Чемпионлар Лигаси умумий босқичининг 8-турида "Брюгге"га 0:3 ҳисобида мағлуб бўлди ва турнирни тарк этди. "Олимпик" турнир жадвалида 25-ўринни эгаллади.
RMC Sport хабарига кўра, италиялик мутахассис ишдан бўшатилиши мумкин. Бугун жамоа Франция чемпионатида "Париж"га қарши ўйинга тайёргарлик кўрмоқда, аммо мураббий футболчилар билан ишламаяпти. У ўзининг келажаги ҳақида раҳбарият билан музокаралар олиб бормоқда. Клубга яқин манбаларнинг таъкидлашича, бу борада ҳали қарор қабул қилинмаган.
Лига 1'да "Марсель" 19-турдан кейин 38 очко билан 3-ўринда бормоқда ва пешқадам "ПСЖ"дан 7 очко ортда қолмоқда.
