ESPN таҳлилчилари Англия Премьер-лигасининг энг яхши футболчилари рейтингини тузди. Ушбу рейтингни тузишда нафақат кўрсаткичлар, балки ўйин дақиқалари ҳам ҳисобга олинди. Қолаверса, жароҳат олган футболчилар рейтингга киритилмаган.
Биринчи поғонада Англия чемпионати тўпурарлар пойгаси етакчиси - "Манчестер Сити" ҳужумчиси Эрлинг Холанд қайд этилди. Иккинчи ўрин "Арсенал" хавбеки Деклан Райсга тегишли. Учликни "Манчестер Юнайтед" етакчиси Бруну Фернандеш якунлаб берди.
Кейинги ўринларни Букайо Сака, Вильям Салиба, Габриэль Магальянс, Бруно Гимараэс, Мойсес Кайседо, Энцо Фернандес ва Мартин Эдегор эгаллади.
"Арсенал" АПЛ жадвалида пешқадамлик қилмоқда.
