Карим Бензема "Ал-Иттиҳод"дан олган шартномани узайтириш таклифидан жуда норози. Таклифда гап ҳозиргидан анча паст - йилига 108 миллион доллар маош ҳақида кетмоқда.
L'Equipe нашрининг ёзишича, Бензема бу таклифни ҳақорат деб баҳолаган ва ўзини камситилган ҳис қилмоқда. Аввалроқ, Карим вазият фонида "Ал-Фатеҳ"га қарши ўйинда иштирок этишдан бош тортгани ҳақида хабар берилганди.
Энди 38 ёшли Карим Бензема ёзда эркин агент сифатида бошқа жамоага йўл олади.
2022 йилда Бензема "Олтин тўп"ни қўлга киритди. 2009-2023 йилларда француз "Реал" шарафини ҳимоя қилган.
