Украина терма жамоасининг собиқ ҳужумчиси Андрей Шевченко келажакдаги режалари ҳақида гапириб берди. Унинг айтишича, келажагини мураббийлик фаолияти билан боғлашга қарор қилган.
"Охирги пайтларда бўш вақтим кўп бўляпти, шунинг учун мураббийлик курсларини тугатишга қарор қилдим. Ҳаётимни футболсиз тасаввур этолмайман. Бундан ташқари, кўп клублар билан алоқаларни сақлаб қолганман. Уларни менга ёрдами тегиши мумкин. Бу босқичда мен келажагимни мураббийлик фаолияти билан боғлашни хоҳлаётганимни яхшироқ тушуняпман", деган Шевченкодан иқтибос келтирмоқда "London Evening Standart".
