«Ливерпуль»нинг ўнг қанот ҳимоячиси Жереми Фримпонг яқинда жароҳат олди. 25 ёшли футболчи чоршанба куни Чемпионлар лигасида «Қарабоғ»га қарши ўйинда мажбурий равишда алмаштирилди. Нидерландиялик ҳимоячининг тикланиш муддатлари ҳали аниқ эмас, аммо инсайдер Фабрицио Романо хабар беришича, «қизиллар» аллақачон трансфер бозорида унинг ўрнига муносиб вариантларни излай бошлаган.

Клуб ичида мавжуд номзодларни муҳокама қилиш учун йиғилиш ўтказилган. Ҳозирда бир нечта вариант кўриб чиқилмоқда, бироқ мерсисайдликлар муносиб номзодлар жуда кўп эмас, деб ҳисобламоқда.

Жереми Фримпонг жорий мавсум бошида леверкузеннинг «Байер» клубидан «Ливерпуль»га 40 миллион евро эвазига кўчиб ўтган эди.