«Порту» «Манчестер Юнайтед»нинг чап қанот ҳимоячиси Тирелл Маласияга қизиқиш билдирмоқда. Нидерландиялик футболчининг шартномаси ярим йилдан кейин якунланади, шу боис «қизил иблислар» қишки трансфер ойнаси ёпилгунга қадар уни сотиб юбормаса, ўйинчидан ҳеч қандай маблағ ишлаб ола олмаслиги мумкин.
Voetbal International маълумотларига кўра, 26 ёшли латералга айнан «Порту» даъвогарлик қилмоқда. «Аждарлар» бир нечта вариантни кўриб чиқмоқда: португал клуби футболчини ёзда эркин агент сифатида жалб қилиш учун кутиб туриши ҳам истисно қилинмайди.
Transfermarkt баҳосига кўра, Тирелл Маласиянинг трансфер қиймати 5 миллион еврони ташкил этади. Жорий мавсумда ҳимоячи «МЮ» асосий жамоаси сафида фақат битта ўйинда майдонга тушган.
