"Ньюкасл" бош мураббийи Эдди Ҳау бразилиялик ярим ҳимоячи Жоэлинтоннинг ҳолати ҳақида маълумот берди. Аввалроқ, 29 ёшли футболчи Чемпионлар Лигасининг ўтган турида "ПСЖ"га қарши ўйинни ўтказиб юборган эди.
"У ўйиндан кейин махсус укол олиш учун Барселонага учиб кетди. Бу яхши янгилик. Унга атиги битта инъекция керак, бу эса унинг тезда қайтиши мумкинлигини англатади. Гап ойлар ҳақида эмас, ҳафталар ҳақида кетяпти. Аниқ сана ҳозирча номаълум, аммо бу ижобий янгилик", - дея Хаунинг сўзларини келтиради клуб матбуот хизмати.
Жоэлинтон жорий мавсумда барча мусобақаларда 29та ўйинда майдонга тушиб, 5 марта рақиблар дарвозасини ишғол қилди ва битта голли узатмани амалга оширди.
