"Nyukasl" bosh murabbiyi Eddi Hau braziliyalik yarim himoyachi Joelintonning holati haqida ma’lumot berdi. Avvalroq, 29 yoshli futbolchi Chempionlar Ligasining o‘tgan turida "PSJ"ga qarshi o‘yinni o‘tkazib yuborgan edi.
"U o‘yindan keyin maxsus ukol olish uchun Barselonaga uchib ketdi. Bu yaxshi yangilik. Unga atigi bitta in’eksiya kerak, bu esa uning tezda qaytishi mumkinligini anglatadi. Gap oylar haqida emas, haftalar haqida ketyapti. Aniq sana hozircha noma’lum, ammo bu ijobiy yangilik", - deya Xauning so‘zlarini keltiradi klub matbuot xizmati.
Joelinton joriy mavsumda barcha musobaqalarda 29ta o‘yinda maydonga tushib, 5 marta raqiblar darvozasini ishg‘ol qildi va bitta golli uzatmani amalga oshirdi.
