Хабарингиз бор, 2013/14 йиллар мавсумидан бошлаб Англия премьер лигасининг 20 стадиони ва "Уэмбли"да голни аниқловчи электрон Hawk-Eye тизимидан фойдаланиш йўлга қўйилади. Бугун Лондоннинг "Арсенал" клуби уй учрашувларини ўтказадиган "Эмирейтс" стадионида мазкур тизим тақдимоти бўлиб ўтди.
Ўзига хос "қирғий кўз" дея ном олган янгилик ҳақида "тўпчилар" бош мураббийи Арсен Венгер фикр билдиришни лозим топди.
"Жуда хурсандман. Умид қиламанки, ҳакамларга ёрдам беришнинг биринчи қадами ташланди. Кўрамиз, бу қандай ишларкин", дея француз мутахассисининг сўзларидан иқтибос қилди BBC.
Қайд этиш жоиз, ушбу тизимни ўрнатиш АПЛнинг ҳар бир клубига бир мавсум учун 250 минг фунтга тушади. Hawk-Eye муаллифлари билан келишув эса 4 йилга мўлжалланган.
