Альваро Арбелоанинг "Реал" бош мураббийлигидаги келажаги ҳақида янги маълумотлар пайдо бўлди.
Журналист Марио Кортегананинг ёзишича, "Реал"да ҳеч ким узоқ муддатли истиқболда Арбелоага умид қилмаяпти. Манбага кўра, мавсум якунлангач, клуб янги мутахассисни тайинлаши деярли аниқ.
Эслатиб ўтамиз, Арбелоа Испания Суперкубоги финалида "Барселона"га (2:3) ютқазган Хаби Алонсо истеъфога чиқарилгач, "Реал"ни қабул қилиб олганди.
Испания Ла Лигасида "Реал" 51 очко билан мусобақа жадвалида 2-ўринда бормоқда. "Қаймоқранглилар"нинг пешқадам "Барселона"дан ортда қолиши 1 очкони ташкил этмоқда.
