Мюнхеннинг "Бавария" клуби бош мураббийи Венсан Компани оғир жароҳатдан сўнг сафга қайтган Жамол Мусиаланинг жисмоний ҳолати ҳақида фикр билдирди.
"ПСВ билан ўйинда Мусиала 45 дақиқа давомида жуда тетик кўринди. Бу мени ҳайрон қолдирди. У яхши ўйнади ва унинг кўрсаткичлари жуда юқори жисмоний даражада эди. Аммо кейинчалик у буни давом эттира олмади," - деди Компани матбуот анжуманида.
Мураббийнинг сўзларига кўра, Мусиала ҳозирча ҳафтасига учта ўйинда майдонга тушишга тайёр эмас, аммо вақт ўтиши билан у оптимал спорт формасига киради.
Бу мавсумда 22 ёшли Мусиала барча мусобақаларда 3та ўйинда майдонга тушиб, 1та гол урди ва 1та голга ассистентлик қилди.
