"Барселона" бош мураббийи Ханс-Дитер Флик Ла Лига доирасидаги "Эльче"га қарши ўйин олдидан матбуот анжуманида иштирок этди.
«Мавсумнинг ҳал қилувчи паллаларига етиб келдик — жуда муҳим лаҳзалар. Ҳар бир ўйин камроқ имконият дегани. Биз максимал тайёргарлик ва тўлиқ концентрацияда бўлишимиз керак.
Олдимизда "Эльче"га қарши баҳс бор. Ўтган мавсум уларнинг майдонида тўп назорати кўпроқ уларда эди. Эдер жуда яхши иш қилган.
Улар жуда яхши ўйнайди, жуда жасур жамоа. Ўйин услублари жозибали, кўплаб вазиятлар яратишади. Уларнинг қандай ўйнашини томоша қилиш менга ёқади», - деди Флик матбуот анжуманида.
"Эльче" - "Барселона" учрашуви 31 январдан 1 февралга ўтар кечаси 01:00 да старт олади.
