"Фулхэм" ўзининг расмий сайтида "Манчестер Сити"дан ҳужумкор ярим ҳимоячи Оскар Боббнинг трансферини эълон қилди. Лондонликлар битим суммасини ошкор қилишмаяпти.
22 ёшли Бобб 2031 йилнинг ярмигача мўлжалланган меҳнат шартномасини имзолади. "Фулхэм" сафида Оскар 14-рақамда ҳаракат қилади.
"Бу ерда бўлиш жуда ёқимли. Ажойиб кун бўлди: ҳамма билан танишдим ва жуда хурсандман. Мен ҳар доим "Фулхэм" сифатли ўйинчилар ва ажойиб стадионга эга яхши клуб эканини билардим," - деди Бобб.
"Фулхэм" айни дамда Премьер-лига турнир жадвалида еттинчи ўринда бормоқда. Жамоа навбатдаги ўйинни 1 февраль куни "Манчестер Юнайтед"га қарши меҳмонда ўтказади.
