"Арсенал" бош мураббийи Микель Артета матбуот анжуманида Хосеп Гвардиоланинг сўзлари юзасидан савол олди. Яқинда "Манчестер Сити" устози "канонирлар"ни дунёнинг энг яхши жамоаси деб атаганди. Артетага Гвардиоланинг гаплари психологик ўйин бўлиши мумкинми, деб савол беришди.
"Мен биланми? Бундай деб ўйламайман. Биз шунчаки умумий тарзда мулоқот қиламиз - у ўз ҳис-туйғуларини айтади, холос. Агар бу ерда қандайдир руҳий ўйинлар бўлса, демак бор экан. Мен бунга алоҳида эътибор бермаяпман - биз шунчаки майдонга чиқиб, ўзимизни исботлашимиз керак," - деди Артета матбуот анжуманида.
"Арсенал" Англия Премьер-лигасида пешқадамлик қилмоқда. "Манчестер Сити" эса 4 очко ортда қолган ҳолда 2-поғонада бормоқда.
