"Барселона" бош мураббийи Ханс-Дитер Флик жамоанинг орзусини айтди. "Кўк-анорранглилар" Чемпионлар Лигаси кубогини қўлга киритишни истамоқда.

"Чемпионлар Лигасида ғалаба қозонишни ҳамма хоҳлайди, чунки бу - буюк турнир. Янги формат билан умумий босқичнинг сўнгги ўйини ақлбовар қилмас даражада ўтди. Мухлисларнинг ҳис-туйғуларини кўриш ажойиб эди. Футбол мана шунда. Бизнинг вазифамиз - ишлаш, Чемпионлар Лигасида ғолиб бўлиш орзусига яқинлашиш учун кундан-кунга яхшиланиб бориш. Бу нафақат мухлисларнинг, балки бизнинг ҳам орзумиз. Биз бу жуда қийинлигини тушунамиз, шунинг учун доимий равишда ишлашимиз керак", - деди Флик матбуот анжуманида.

Охирги марта "Барселона" 2015 йилда Чемпионлар Лигасида ғолиб чиққан.