Пеп Лейндерс жума куни бўлиб ўтган матбуот анжуманида Хосеп Гвардиола ўрнига чиқиш қилди. "Манчестер Сити" устозидан Жереми Докунинг аҳволи ҳақида сўрашди. "Галатасарой"га қарши ўйинда бельгиялик футболчи жароҳат туфайли алмаштирилди.
"Докунинг ўйини учун катта мақтовлар айтиш керак. Топ жамоа ҳужумдаги ўйинчилар сифатига қараб аниқланади. Шикастланиш олдингисига ўхшайди: ўшанда у ён томондан бўлган, ҳозир эса марказда. Ўтган сафар тикланишга 18 кун кетганди. Бу сафар ҳаммаси тезроқ бўлади, деб ўйлайман. Унга вақт бериш керак", - деди Лейндерс журналистларга.
Февраль ойининг биринчи оқшомида "Манчестер Сити" сафарда "Тоттенхэм" меҳмони бўлади.
