Ҳужумчи Эндрик ўз келажаги ҳақидаги саволга жавоб берди. 19 ёшли бразилиялик футболчидан амалдаги ижара шартномаси тугагач, кейинги мавсумда ҳам «Лион»да қолиши мумкинми, деб сўрашди.

«Нима бўлишини фақат Худо билади. У менга қолишни айтaдими ёки йўқ — ҳеч ким билмайди. Эртанги кун нима олиб келишини ҳеч ким олдиндан айта олмайди», — дея Эндрикнинг сўзларини келтиради L’Equipe.

«Лион» Эндрикни қишки трансфер ойнасида Мадриднинг «Реал» клубидан ижарага олган. Бразилиялик футболчи француз жамоаси сафида учта ўйин ўтказиб, тўртта гол ва битта голли узатма муаллифи бўлди.

«Лион» навбатдаги учрашувини 1 февраль куни Франция чемпионати доирасида ўз майдонида «Лилль»га қарши ўтказади.