Эден Азар ўзининг собиқ жамоалари — «Челси» ва «Реал» орасида танлов қилди. Бельгиялик футболчи 2012–2019 йилларда «Челси»да жуда ёрқин ўйнаган, кейин эса «Реал»га ўтган, аммо Мадридда кутилган даражада ўзини кўрсата олмаган.
«Мен ўйнаган жамоалар ичида энг яхшиси “Челси”ми? Йўқ. “Реал” яхшироқ. “Челси”даги даврим ажойиб бўлган, лекин клуб сифатида “Реал” — биринчи рақамли», — дея Азарнинг сўзларини келтиради The Touchline.
Эден Азар 32 ёшида фаолиятини якунлади. У «Реал» сафида 76 та ўйин ўтказиб, 7 та гол ва 12 та голли узатма қайд этган.
