Eden Azar o‘zining sobiq jamoalari — «Chelsi» va «Real» orasida tanlov qildi. Belgiyalik futbolchi 2012–2019 yillarda «Chelsi»da juda yorqin o‘ynagan, keyin esa «Real»ga o‘tgan, ammo Madridda kutilgan darajada o‘zini ko‘rsata olmagan.

«Men o‘ynagan jamoalar ichida eng yaxshisi “Chelsi”mi? Yo‘q. “Real” yaxshiroq. “Chelsi”dagi davrim ajoyib bo‘lgan, lekin klub sifatida “Real” — birinchi raqamli», — deya Azarning so‘zlarini keltiradi The Touchline.

Eden Azar 32 yoshida faoliyatini yakunladi. U «Real» safida 76 ta o‘yin o‘tkazib, 7 ta gol va 12 ta golli uzatma qayd etgan.