Лондоннинг «Арсенал» бош мураббийи Микель Артета жамоа ярим ҳимоячиси Деклан Райснинг ютуғи ҳақида фикр билдирди. У 27 ёшига келиб АПЛда 300 та ўйин ўтказди.

«Унинг ёшида бунга эришган футболчилар жуда кам. Бу унинг барқарорлиги ва профессионаллигини кўрсатади. Бу даражада ўйнашнинг ўзи катта ютуқ, аммо у 300 та ўйин давомида намойиш этган ўйин сифати ва барқарор ҳаракатлари ҳам жуда муҳим», — дея Артетанинг сўзларини келтиради «Арсенал» расмий сайти.

Эслатиб ўтамиз, Райс жорий мавсумда ҳам «канонирлар» марказининг асосий фигураси бўлиб қолмоқда. АПЛ доирасида у 4 та гол ва 3 та голли узатма муаллифи бўлди.