"Барселона" вингери Рафинья Диасга "Манчестер Юнайтед" қизиқмоқда. Англия гранди ёзги трансферлар вақтида бразилиялик футболчини ўз сафига қўшиб олиш ҳақида ўйламоқда. El Nacional нашри тарқатган хабарга кўра "қизил иблислар" "кўк-анорранглилар"нинг 29 ёшли юлдузи учун тахминан 95 млн евро таклиф қилишга тайёр.
Рафиньянинг "Барселона" билан амалдаги меҳнат шартномаси 2028 йилгача мўлжалланган. Transfermarkt портали талқинига кўра, футболчининг нархи 80 млн еврони ташкил этади.
Жорий мавсумда футболчи Ҳанс-Дитер Флик жамоаси сафида барча мусобақаларда 21 та ўйинда 13 та гол ва бешта ассистни ўз ҳисобига ёздириб қўйди.
