Ҳужумчи Ҳамза Абдулкарим тез орада "Барселона"нинг янги аъзоси сифатида таништирилмоқда.
"Кўк-анорранглилар" "Ал-Аҳли" билан трансфер шартларини келишиб олгани ҳақида аввал хабар берилганди. Каталония гранди 18 ёшли футболчи билан шартнома имзолаганини бугун, шанба куни эълон қилиши кутилмоқда, дея хабар бермоқда журналист Хорди Баталя.
"Барселона" истиқболли ҳужумчини кейинчалик сотиб олиш имконияти билан жорий мавсум охиригача ижарага олади. Маълумотларга кўра, битим қиймати бонусларни ҳисобга олган ҳолда 8 млн еврони ташкил этиши мумкин. Испаниянинг амалдаги чемпионлари бир неча ой давомида футболчи бўйича музокаралар олиб борган.
