"Ал-Ҳилол" яримҳимоячиси Рубен Невеш Мадриднинг "Реал" клубига ўтмайди. Испания гранди Европанинг бошқа топ-клублари қаторида 28 ёшли футболчига даъвогарлар қаторида тилга олинган, бироқ аниқлик киритилмаган.
COPE хабарига кўра, "қаймоқранглилар" португалиялик номзодини икки сабабга кўра кўриб чиқишдан бош тортган. Унинг ёши ва қишки трансфер ойнасида футболчиларни ўз сафига қўшиб олишни истамагани. Миш-мишларга кўра, Невешнинг ўзи фаолиятини "Реал"да давом эттирмоқчи бўлган.
"Вулверхэмптон" собиқ юлдузининг "Ал-Ҳилол" билан амалдаги шартномаси ярим йилдан сўнг ўз ниҳоясига етади. Хавбекнинг трансфер нархи Transfermarkt экспертлари томонидан 25 млн еврога баҳоланмоқда.
