"Al-Hilol" yarimhimoyachisi Ruben Nevesh Madridning "Real" klubiga o‘tmaydi. Ispaniya grandi Yevropaning boshqa top-klublari qatorida 28 yoshli futbolchiga da’vogarlar qatorida tilga olingan, biroq aniqlik kiritilmagan.

COPE xabariga ko‘ra, "qaymoqranglilar" portugaliyalik nomzodini ikki sababga ko‘ra ko‘rib chiqishdan bosh tortgan. Uning yoshi va qishki transfer oynasida futbolchilarni o‘z safiga qo‘shib olishni istamagani. Mish-mishlarga ko‘ra, Neveshning o‘zi faoliyatini "Real"da davom ettirmoqchi bo‘lgan.

"Vulverxempton" sobiq yulduzining "Al-Hilol" bilan amaldagi shartnomasi yarim yildan so‘ng o‘z nihoyasiga yetadi. Xavbekning transfer narxi Transfermarkt ekspertlari tomonidan 25 mln yevroga baholanmoqda.