"Ливерпуль" бош мураббийи Арне Слот ўзига нисбатан танқидлар ҳақидаги саволга жавоб берди.
"Қизиллар" бу мавсумда ҳали ҳам ўз формаси ва барқарорлигини топишга қийналмоқда. Шанба куни мерсисайдликлар ўз уйида "Ньюкасл" билан ўйнайди.
"Агар етарлича ўйинларда ғалаба қозона олмасангиз, танқидларга чидашингиз керак. Ҳозир мураббийлар учун аввалгидан ҳам қийинроқ бўлиши мумкин: агар сиз бирор нарса ютган бўлсангиз ҳам танқид сақланиб қолаверади, бу маълум даражада адолатли, чунки бу янги мавсум.
Мен футболчиларга биринчи бўлиб ўтган мавсумни унутишни айтдим. Менимча, мени ўтган мавсум бўйича эмас, балки бу мавсум бўйича баҳолаш адолатли", деди Слот матбуот анжуманида.
