«Интер» «Комо» жамоасининг ҳужумкор ярим ҳимоячиси Николас Пасга қизиқиш билдирмоқда.

Кўплаб миш-мишларга кўра, 21 ёшли футболчи жорий мавсум якунида Мадриднинг «Реал» клубига қайтиши керак. Аммо Topskills Sports UK хабар беришича, аргентиналикка яна бир даъвогар бор — бу «Интер». «Нерадзуррилар» скаутлари «Комо» етакчисининг ўйинларини яқиндан кузатмоқда ва уни таркибга қўшиб олиш умидини сақлаб қолган. Бироқ миланликлар учун асосий муаммо — футболчининг нархи: у тахминан 100 миллион евро деб баҳоланмоқда.

Эслатиб ўтамиз, биринчи навбатда сотиб олиш ҳуқуқи туфайли «Реал» ўз тарбияланувчисини бозор қийматидан анча арзон — атиги 9 миллион евро эвазига қайтариб олиши мумкин. Transfermarkt портали Николас Паснинг қийматини 65 миллион евро деб баҳолайди.