"Фейеноорд"нинг ўнг қанот ҳимоячиси Живайро Рид "Ливерпуль" футболчисига айланмайди. Бу ҳақда инсайдер Фабрицио Романо хабар бермоқда.

Манбага кўра, мерсисайдликлар янги қанот ҳимоячисини топиш учун ҳамон бозорни ўрганмоқда. Бироқ, "Ливерпуль" айни дамда жароҳатидан тикланаётган Ридни ўз сафига қўшиб олмаслиги айтилмоқда. Шу билан бирга, Ридга "Бавария" ва "Манчестер Сити" қизиқиш билдирмоқда, аммо иккала клуб ҳам ёзда футболчини сотиб олишни режалаштирмоқда.

Аввалроқ, "Ливерпуль" бош мураббийи Арне Слот клуб трансфер ойнаси якунига қадар янги ўнг қанот ҳимоячисини сотиб олиши мумкинлигини истисно қилмаганди.

Айни пайтда "Ливерпуль" Премьер-лига турнир жадвалида 23 та учрашувда 36 очко тўплаб, 6-ўринда бормоқда.