"Feyenoord"ning o‘ng qanot himoyachisi Jivayro Rid "Liverpul" futbolchisiga aylanmaydi. Bu haqda insayder Fabrisio Romano xabar bermoqda.

Manbaga ko‘ra, mersisaydliklar yangi qanot himoyachisini topish uchun hamon bozorni o‘rganmoqda. Biroq, "Liverpul" ayni damda jarohatidan tiklanayotgan Ridni o‘z safiga qo‘shib olmasligi aytilmoqda. Shu bilan birga, Ridga "Bavariya" va "Manchester Siti" qiziqish bildirmoqda, ammo ikkala klub ham yozda futbolchini sotib olishni rejalashtirmoqda.

Avvalroq, "Liverpul" bosh murabbiyi Arne Slot klub transfer oynasi yakuniga qadar yangi o‘ng qanot himoyachisini sotib olishi mumkinligini istisno qilmagandi.

Ayni paytda "Liverpul" Premyer-liga turnir jadvalida 23 ta uchrashuvda 36 ochko to‘plab, 6-o‘rinda bormoqda.