Мадриднинг "Реал" клуби собиқ футболчиси Эден Азар каталонияликлардан таклиф олганида ҳам "Барселона" билан шартнома имзоламаслигини айтди.
"Йўқ. Ёшлигимдан "Реал" орзум бўлган. Футбол ўйнашни бошлаганимда доим отамга "Реал"да ўйнашни истаганлигимни айтардим. Албатта, "Барселона"нинг ўйин услуби, Месси бор эди, лекин... Hala Madrid!" - деди Азар "Zack en roue libre" подкастида.
Азар 2019 йилдан 2023 йилгача "Реал"да тўп сурган, шундан сўнг профессионал футболчилик фаолиятини якунлаган. "Қаймоқранглилар" сафида бельгиялик футболчи барча мусобақаларда 76 та ўйинда майдонга тушиб, 7 та гол урган ва 12 та голли узатмани амалга оширган.
