"Челси"нинг аргентиналик ярим ҳимоячиси Энцо Фернандес клуб билан яхшиланган шартлар асосида қайта шартнома имзоламоқчи. Бу ҳақда журналист Низаар Кинселла хабар бермоқда.
Манба маълумотига кўра, Энцо жамоанинг сўнгги ўйинлари янги шартнома муҳокамасини оқлайди, деб ҳисоблайдиган бир неча футболчиларидан бири ҳисобланади. Агентлар алмашганидан сўнг, Энцонинг янги вакиллари "Челси" раҳбариятига шароитларни яхшилаш бўйича музокараларни бошлаш истагида эканликларини билдиришди.
"Челси" Энцо Фернандесни 2023 йилда "Бенфика"дан 121 миллион евро эвазига сотиб олганди. Жорий мавсумда 25 ёшли хавбек барча мусобақаларда 34 та учрашувда майдонга тушиб, ўнта гол урди ва тўртта ассист муаллифи бўлди.
Ярим ҳимоячининг "Челси" билан амалдаги меҳнат шартномаси 2032 йил ёзигача мўлжалланган.
