Ҳужумчи Маркус Рэшфорднинг "Манчестер Юнайтед"га қайтишини тасаввур қилиш қийин. Бу ҳақда The Telegraph саҳифаларидаги материалда айтилади.
Қайд этилишича, Рэшфорд Каталонияда "иккинчи нафас"ни олган. Сабаблар орасида: Рафинья, Эрик Гарсия, Войцех Шесни ва Ламин Ямал билан яхши муносабатлар, пляжга пиёда бориш мумкин бўлган масофада яшаш, балиқ овига қизиқиш, падель ўйнаш. Маркус испан тилини ўрганмоқда ва ўзини жуда яхши ҳис қилмоқда.
Маркус Рэшфорд "Барселона"да ижарада ўйнамоқда. "Кўк-анорранглилар" сафида инглиз 31 та расмий ўйин ўтказиб, 9 та гол урган ва шерикларига 12 та голли узатма берган.
