«Интер Майами» клуби ҳужумчи Херман Бертерамени сафига қўшиб олганини эълон қилди.
Маълум қилинишича, МЛС вакили 27 ёшли футболчи учун «Монтеррей» клубига 15 миллион доллар (12,6 миллион евро) тўлаган. Бу Флорида клуби тарихидаги энг қиммат иккинчи трансфер ҳисобланади. Фақатгина ярим ҳимоячи Родриго Де Полни «Атлетико»дан сотиб олиш (15 млн евро) бундан қимматроқ бўлган.
Бертераме Аргентинада туғилган. У 2019 йилдан буён Мексика клублари — «Атлетико Сан-Луис» ва «Монтеррей» сафида тўп сурган. Жорий мавсумда Мексика олий лигасида 24 ўйинда 13 та гол урган.
2024 йилдан бошлаб Херман Мексика миллий жамоаси шарафини ҳимоя қила бошлади: 8 ўйин, 2 гол.
