«Челси» бош мураббийи Лиам Росеньор ҳужумчи Эстевао клуб базасини тарк этганини маълум қилди. Бу шахсий сабаблар билан боғлиқ.

«Афсуски, шахсий сабабларга кўра Эстевао Бразилияга қайтишига тўғри келди. Ҳозирда барча фикр ва қўллаб-қувватлашим у ва унинг оиласи билан. Унинг аҳволи яхши бўлишини умид қиламан», — деди Росеньор «Челси» матбуот хизматига берган интервьюсида.

Эстевао 2025 йилда «Палмейрас»дан «Челси»га 45 млн евро эвазига ўтган. Жорий мавсумда у 29 та ўйинда майдонга тушиб, 6 та гол ва 3 та голли узатмани амалга оширди.