«Chelsi» bosh murabbiyi Liam Rosenyor hujumchi Estevao klub bazasini tark etganini ma’lum qildi. Bu shaxsiy sabablar bilan bog‘liq.

«Afsuski, shaxsiy sabablarga ko‘ra Estevao Braziliyaga qaytishiga to‘g‘ri keldi. Hozirda barcha fikr va qo‘llab-quvvatlashim u va uning oilasi bilan. Uning ahvoli yaxshi bo‘lishini umid qilaman», — dedi Rosenyor «Chelsi» matbuot xizmatiga bergan intervyusida.

Estevao 2025 yilda «Palmeyras»dan «Chelsi»ga 45 mln yevro evaziga o‘tgan. Joriy mavsumda u 29 ta o‘yinda maydonga tushib, 6 ta gol va 3 ta golli uzatmani amalga oshirdi.