"Кристал Пэлас" ҳужумчиси Жан-Филипп Матета "Милан"га ўтишга рози бўлди.
Аввалроқ, клублар Франция терма жамоасининг 28 ёшли футболчисини 30 миллион еврога трансфер қилишга келишиб олгани ҳақида хабарлар тарқалган эди.
The Times хабарига кўра, футболчи "россонерилар" билан 2030 йилгача мўлжалланган шартномани келишиб олган. 30 млн евролик трансфер суммаси бонусларни ҳам ўз ичига олади.
Матета якшанба куни "Ноттингем Форест"га қарши ўйин учун "Пэлас" таркибига киритилмади, жамоа Матета учун аввалроқ 35 млн фунт таклиф қилганди.
Қайд этилишича, Матетанинг миланликлар сафига қўшилиши ҳужумчи Кристофер Нкункунинг кетишига сабаб бўлиши мумкин.
Жан-Филип 2021 йилдан бери "Пэлас" сафида 186 та ўйинда 56 та гол урган.
