Ҳимоячи Даниэль Карвахаль катта эҳтимол билан «Реал»даги фаолиятини давом эттиради.
Diario AS хабарига кўра, 33 ёшли футболчи мадридликлар билан янги шартнома имзолаши мумкин. Бироқ клуб «қаймоқранглилар» сафида унинг жорий ҳолатини тўлиқ баҳолаши учун Карвахаль майдонга тез-тез тушиб туриши керак.
Даниэль Карвахаль — «Реал» тарбияланувчиси. У фақат 2012/13 мавсумида «Байер»да тўп сурган, кейин эса 6 миллион евро эвазига ортга қайтариб олинган. Жорий мавсумда у барча мусобақаларда 10 та ўйин ўтказди. Ҳозирда ҳимоячи октябр охирида олган тизза жароҳатидан тикланмоқда.
