Мадриднинг «Реал» клуби «ПСЖ» ярим ҳимоячиси Витиньяга қизиқиш билдирмоқда.
Инсайдер Jaamel маълумотига кўра, парижликлар бош мураббийи Луис Энрике ва клуб раҳбарияти португалиялик футболчини сотилмайдиган ўйинчи деб ҳисоблайди. Витиньянинг ўзи ҳам Париждаги ҳаётдан ва «ПСЖ» лойиҳасидан мамнун, шунинг учун жамоани тарк этишни режалаштирмаяпти.
Витинья 2022 йилда «Порту»дан «ПСЖ»га 41 миллион евро эвазига ўтган. Унинг шартномаси 2029 йил 30 июнгача амал қилади. Жорий мавсумда ярим ҳимоячи барча мусобақаларда 30 та ўйин ўтказиб, 6 та гол ва 10 та голли узатма қайд этди.
