«Барселона»нинг ўнг қанот ҳимоячиси Жюль Кунде мажбурий алмаштиришдан кейин ўз ҳолати ҳақида фикр билдирди.

27 ёшли футболчи шанба куни Ла Лиганинг «Эльче»га қарши ўйинида 84-дақиқада алмаштирилди. Учрашувдан кейин стадионни тарк этаётган француздан жароҳат қай даражада жиддий экани сўралди. У қисқача жавоб берди:
«Мен яхшиман! Ҳаммаси жойида!» — дея унинг сўзларини келтиради Barca Universal.

Ханс-Дитер Флик шогирдлари «Эльче» устидан 3:1 ҳисобида ғалаба қозонди. «Барселона» сафида голларни Ламин Ямал, Ферран Торрес ва Маркус Рэшфорд урди.

Каталон жамоасининг навбатдаги учрашуви 3 феврал куни бўлиб ўтади — Испания Кубоги чорак финалида «Альбасете»га қарши.