Ламин Ямал сўнгги ўйинларда «Барселона» сафида ажойиб формага кирди. Шанба куни 18 ёшли вингер «Эльче»га қарши баҳсда (3:1) ёрқин ўйнади ва гол муаллифига айланди. Айни пайтда у WhoScored портали баҳоларига кўра Европа бешта етакчи чемпионатидаги энг яхши футболчилар рейтингида ўртача баҳо (8,43) билан етакчилик қилмоқда. Ямал «Бавария» ҳужумчиси Харри Кейн (8,22) ва Мадриднинг «Реал» клуби футболчиси Килиан Мбаппени (8,08) ортда қолдирди.
Жорий Ла Лига мавсумида Ламин Ямал 18 та ўйинда 9 та гол урди ва 8 та голли узатма амалга оширди. Ханс-Дитер Флик жамоаси чемпионат жадвалида пешқадам бўлиб турибди ва «Реал»ни 4 очкога ортда қолдирмоқда.
