«Арсенал» шанба куни сафарда «Лидс»ни 4:0 ҳисобида мағлуб этди. Шу билан лондонликлар Премьер-лигадаги ғалабасиз сериясини тўхтатди — у учта ўйиндан иборат эди.
The Touchline хабарига кўра, чемпионатда кетма-кет уч ўйинда ғалаба қозонилмаганидан сўнг, бош мураббий Микель Артета жамоа билан узоқ суҳбат ўтказган. У ўйиндаги стандартлар пасайганига эътибор қаратди — айниқса, диққат ва қарор қабул қилишдаги майда, аммо қимматга тушаётган хатоларни таъкидлади.
«Арсенал»нинг бир қатор тажрибали футболчиларига фикр билдириш имкони берилди. Артета жамоадан масъулият ва қаттиқроқ руҳий ёндашувни талаб қилди.
«Хабар жуда аниқ эди: ўйин ёмон эмас, аммо мавсумнинг бу босқичида “яхши” бўлиши етарли эмас», — деб ёзади The Touchline.
«Арсенал» сўнгги марта Англия чемпионлигини 2004 йилда қўлга киритган.
