Лондоннинг «Арсенал» жамоаси бош мураббийи Микель Артета АПЛ 24-тури доирасида «Лидс»га қарши ўйин олдидан асосий таркибда қилинган ўзгариш сабабини тушунтириб берди.

Аввалига майдонга жамоа етакчиларидан бири Букайо Сака тушиши керак эди, аммо сўнгги дақиқада уни Мадуэке алмаштирди.

«Қизиш пайтида унда кичик муаммолар пайдо бўлди, у ўйинни бошлаш учун ўзини қулай ҳис қилмади», — дея Артета сўзларини клуб матбуот хизмати келтиради.

Натижада айнан Мадуэке биринчи гол вазиятида Мартин Субимендига голли узатмани амалга оширди.

Учрашув «Арсенал»нинг 4:0 ҳисобидаги йирик ғалабаси билан якунланди. Лондонликлар турнир жадвалида етакчиликни сақлаб қолмоқда.