Бугун, 1 февраль куни «Манчестер Юнайтед» АПЛнинг 24-турида «Фулхэм»ни 3:2 ҳисобида мағлуб этди ва ўйин охирида ғалаба голини урди. Учрашувдан кейин жамоа бош мураббийи Майкл Кэррик фикр билдирди.

«Бу алоҳида жой ва бу ерда алоҳида воқеалар бўлади. Бу ғалаба — йигитларнинг меҳнати. Бугун бизга жуда қийин ўйин бўлишини билардик. “Фулхэм” ҳақиқатан ҳам кучли жамоа, бизга кўп жиҳатдан тенгма-тенг ўйин кўрсата олишини тушунардик», — деди Кэррик Sky Sports’га.

Ҳозир «Манчестер Юнайтед» Англия чемпионати жадвалида 41 очко билан тўртинчи ўринда бормоқда. Каррик қўл остида жамоа кетма-кет учта ғалабани қўлга киритди.