Bugun, 1 fevral kuni «Manchester Yunayted» APLning 24-turida «Fulxem»ni 3:2 hisobida mag‘lub etdi va o‘yin oxirida g‘alaba golini urdi. Uchrashuvdan keyin jamoa bosh murabbiyi Maykl Kerrik fikr bildirdi.
«Bu alohida joy va bu yerda alohida voqealar bo‘ladi. Bu g‘alaba — yigitlarning mehnati. Bugun bizga juda qiyin o‘yin bo‘lishini bilardik. “Fulxem” haqiqatan ham kuchli jamoa, bizga ko‘p jihatdan tengma-teng o‘yin ko‘rsata olishini tushunardik», — dedi Kerrik Sky Sports’ga.
Hozir «Manchester Yunayted» Angliya chempionati jadvalida 41 ochko bilan to‘rtinchi o‘rinda bormoqda. Karrik qo‘l ostida jamoa ketma-ket uchta g‘alabani qo‘lga kiritdi.
