«Реал» Мадрид дербисида «Райо Вальекано»ни 2:1 ҳисобида мағлуб этди. Ғалаба голини иккинчи таймга қўшиб берилган дақиқаларда пенальтидан Килиан Мбаппе урди. «Қаймоқранглилар»нинг биринчи голи эса Винисиус Жуниор ҳисобига ёзилди — у Ла Лигада 120 кунлик голсиз серияни тўхтатди. Ўйиндан кейин бразилиялик футболчи ижтимоий тармоқларда пост қолдирди.
«Охиригача шу клуб билан. Ҳар доим — «Реал» Мадрид!» — деб ёзди Винисиус.
Айни пайтда матбуотда Винисиус Жуниорнинг келажаги ҳақида турли миш-мишлар чиқмоқда. Унинг «Реал» билан амалдаги шартномаси 2027 йилнинг ўрталаригача мўлжалланган.
