«Барселона» якшанба куни клубга 18 ёшли ҳужумчи Ҳамза Абдулкарим қўшилганини эълон қилди. У «кўк-анорранглилар»нинг ёшлар жамоасида тўп суради. Каталон клуби Абдулкаримни сотиб олиш ҳуқуқи билан ижарага олди.
Клуб матбуот хизмати таъкидлашича, Ҳамза Абдулкарим «Барселона» тарихидаги биринчи мисрлик футболчи ҳисобланади.
Айтиш жоизки, Абделкарим аввалроқ Миср ёшлар терма жамоасида, жумладан, жаҳон чемпионатида ҳам яхши ўйинлари билан ажралиб турган.
«Барселона» ҳозирда Испания Ла Лигасида етакчилик қилмоқда ва чемпионлик унвонини сақлаб қолишни мақсад қилган. Шанба куни каталонлар «Эльче»ни 3:1 ҳисобида мағлуб этди.
