Микель Артета жамоаси 24 турда 53 очко жамғариб, турнир жадвалида "Манчестер Сити"ни 6 очкога, "Астон Вилла"ни 7 очкога ортда қолдирган ҳолда пешқадамлик қилмоқда.
Opta суперкомпьютери "Арсенал"нинг АПЛда ғалаба қозониш имкониятини 91,01 фоизга баҳоламоқда - ўтган турдан кейин "канонирлар"нинг чемпион бўлиш эҳтимоли 84,44 фоизни ташкил этганди.
"Ман Сити"нинг чемпионлик имконияти 5,49 фоизгача пасайди, "Астон Вилла"нинг ғалаба қозониш эҳтимоли 3,25 фоиз, "Ливерпуль" ва "Челси"ники 0,11 фоиз, "Манчестер Юнайтед"ники эса 0,03 фоиз.
АПЛнинг қолган жамоаларида биринчи ўрин учун имконият йўқ, деб ҳисоблайди Opta.
