"Райо Вальекано" бош мураббийи Иньиго Перес "Реал Мадрид"га қарши ўйиндан кейинги фикрлари билан ўртоқлашди.
"Асаларилар" "Саньтяго Бернабеу"да деярли тенгма-тенг ўйнашга муваффақ бўлишди: Килиан Мбаппе 100-дақиқада пенальтидан гол уриб, "Лос Бланкос"га 2:1 ҳисобида ғалаба келтирди.
"Реал Мадрид" либосининг ўзи маълум бир кучни ифодалайди - рақиб футболчилари буни онгсиз равишда ҳис қилишади. Бизнинг мақсадимиз бу туйғуни йўқ қилиш эди. Танаффусда биз қўрқувдан ва "Реал Мадрид"нинг кучи ҳақидаги фикрлардан халос бўлиш ҳақида гаплашдик. Бу жамоани мағлуб этиш учун қўрқувни енгиш муҳимдир", - деди Иньго Перес матбуот анжуманида.
"Райо Вальекано" 22 ўйиндан кейин 22 очко билан Ла Лигада 17-ўринда. "Реал Мадрид" 54 очко билан иккинчи ўринда.
